About Us

Let’s know about Full Gospel Believers' Church, Hawassa

About Us

የሀዋሳ ሙሉ ወንጌል አማኞች አጥቢያ ቤተ ክርስቲያን
HAWASSA FULL GOSPEL BELIEVERS’ LOCAL CHURCH

ራዕይ

(ምሳ 29፡18)

  • በመንፈስና በእውነት እግዚአብሔርን በማምለክ ፣
  • በቃሉ እውነትና በፍቅር በመታነጽ ፣
  • በሁለንተናዊ መልኩ የክርስቶስን ወንጌል ለዓለም በማወጅ ፣
  • ደቀ መዛሙርትን ብሎም አገልጋይ መሪዎችንና አዳዲስ አጥቢያ ቤተ ክርስቲያኖችን የምታፈራ ጠንካራና ጤናማ ቤተ ክርስቲያን  ማየት ፣

ተልዕኮ

(ማቴ 28፡19-20)

  • በቅርብና በሩቅ ቦታዎች የክርስቶስን ወንጌል በመስበክ ወደ ሕያውና እውነተኛ አምላክ ሰዎችን መመለስ ፣
  • አምነው የሚመለሱትን ሁሉ በማጥመቅና በማስተማር ደቀ መዝሙር ማድረግ

ዕሴቶች

  • የክርስቶስ ፍቅር
  • የፀሎት ሕይወት
  • መጽሐፍ ቅዱሳዊነት
  • የቅዱሳን ሕብረት
  • ሚዛናዊነት
  • መሰጠት
  • መደጋገፍ
  • መመስከር
  • ማገልገል
  • ማደግ
 

Vision

(Prov. 29 : 18 )

To see a healthy and strong church that  ፡-

  • worships God in spirit and truth ,
  • edifies  herself in the truth of his word and love.
  • preaches the Gospel of Christ to the world in a holistic manner
  • produces disciples, servant leaders and new local churches .

Mission

(Matt.28:19-20)

To make disciples by

  • preaching the Gospel of Christ in near and distant places to turn people to the living and true God as well as
  • baptizing and instructing those who repent in faith

Values

  • love of Christ መግለጫ
  • life of prayer
  • biblical practice
  • fellowship of saints
  • balance 
  • commitment 
  • mutual support
 

 

የኢትዮጵያ ሙሉ ወንጌል አማኞች ቤተ ክርስቲያን መሰረታዊ የክርስትና እምነት መግለጫ

  1. ስድሳ ስድስቱን የብሉይ እና የሐዲስ ኪዳን መፃሕፍት የያዘው መጽሐፍ ቅዱስ የእግዚአብሔር እስትንፋሳዊ ቃል ምንም ስህተት የማይገኝበት እምነትን እና ተግባርን በሚመለከት ሁሉ የመጨረሻው ሥልጣን ያለው ሕያው እና ዛሬም የሚሠራ እንደ ሆነ እናምናለን ፡፡
  2. እግዚአብሔር አብ በእግዚብሔር ወልድ እና በእግዚአብሔር መንፈስ ቅዱስ አንድ አምላክ እናምናለን ፡፡
  3. በመፍጠር ሥራ ፍጥረትን በመጠበቅ በመግለጥ በመዋጀት እና በመጨረሻው ፍርድ በእግዚአብሔር ፍጹም ስልጣን እና የበላይነት እናምናለን ፡፡
  4. ጌታችን ኢየሱስ ክርስቶስ ከአብ የተላከ መሆኑን በመንፈስ ቅዱስ መፀነሱን ከድንግል ማርያም መወለዱን ፍጹም ሰው ፍጹም አምላክ መሆኑን ለሰው ልጆች ቤዛ ሆኖ በመስቀል ላይ መሞቱን መቀበሩን በሶስተኛው ቀን በአካል ከሙታን መነሳቱን ወደ አብ ማረጉን እና አሁንም በአብ ቀኝ ሆኖ ስለ እኛ እንደሚማልድ፣ ደግሞም በሕያዋን እና በሙታን ሊፈርድ በክብር እና በግርማ እንደሚመለስ እናምናለን ፡፡
  5. መንፈስ ቅዱስ የመለኮት ባሕሪያት ሁሉ ያሉት ፍጹም አምላክ እንደሆነ እና አምልኮ እና ስግደት እንደሚገባው እናምናለን ፡፡
  6. ሰው በእግዚአብሔር አምሳል መፈጠሩን በኃጢአት መውደቁን እና  በዚህም ምክንያት የእግዚአብሔር ቁጣ እና ፍርድ ያለበት በደለኛ መሆኑን እናምናለን ፡፡
  7. ሰው ከኃጢአት ዕዳ ኃይል እና ቅጣት ሊድን የሚችለው ኃጢአት የሌለበት የእግዚአብሔር ልጅ ኢየሱስ ክርስቶስ የሰው ምትክ ሆኖ በፈጸመው የቤዛነት ሥራ ብቻ በመሆኑ ኃጢአተኛ በእግዚአብሔር ጸጋ በኢየሱስ ክርስቶስ በማመን ብቻ እንደሚፀድቅ እናምናለን ፡፡
  8. ኃጢአተኛ በኃጢአቱ ተፀፅቶ ንሰሐ እንዲገባ በኢየሱስ ክርስቶስ አምኖ ዳግመኛ በመውለድ አዲስ ፍጥረት እንዲሆን መንፈስ ቅዱስ በሕይወቱ እንደሚሠራ እናምናለን ፡፡
  9. መንፈስ ቅዱስ በአማኝ ሕይወት ውስጥ እንደሚኖር አማኙ በመንፈስ ቅዱስ ሲጠመቅ ኃይል እንደሚቀበል እና በልሳን እንደሚናገር በየጊዜው በመንፈስ ቅዱስ እንደሚሞላ እናምናለን ፡፡
  10. መንፈስ ቅዱስ ዛሬም ቤተ ክርስቲያንን ለማነጽ ለአማኞች ልዩ ልዩ የፀጋ ስጦታዎችን በማካፈል ድውዮችን በመፈወስ አጋንንትን በማውጣት እና ተዓምራትን በማድረግ እንደሚሠራ እናምናለን፡፡
  11. ቤተ ክርስቲያን በክርስቶስ የተሰጣትን የታላቁን ተልዕኮ አደራ በመወጣት ወንጌልን ለሰዎች ሁሉ እንድትሰብክ እና አማኞችን ደቀ መዛሙርት በማድረግ ለክርስቶስ አካል መታነጽ አስፈላጊውን ሁሉ መፈፀም እንድትችል መንፈስ ቅዱስ ሐዋሪያትን፣ ነብያትን    ወንጌል ሰባኪዎችን እረኞችን እና አስተማሪዎችን እንዲሁም ሌሎች የአገልግሎት ስጦታዎችን እንደሚሰጥ እናምናለን ፡፡
  12. ከእግዚአብሔር መንፈስ ዳግም የተወለዱ ሁሉ በሚገኙባት የክርስቶስ አካል በሆነች በአንዲት ቅድስት ቤተክርስቲያን እናምናለን ፡፡
  13. ጌታችን እና መድኀኒታችን ኢየሱስ ክርስቶስ ባዘዘው መሰረት ዳግም የተወለደ አማኝ ከክርስቶስ ሞት እና ትንሳኤ ጋር መተባበሩን እንዲሁም ለኃጢአት መሞቱን እና ለጽድቅ መነሣቱን ለመግለጽ በአብ በወልድ እና በመንፈስ ቅዱስ ስም በውኃ ውስጥ በመጥለቅ እንደሚጠመቅ እንዲሁም ጌታ ዳግም እስከሚመጣ ድረስ ሞቱን ለመናገር ከጌታ እና ከአማኞች ጋር ያለውን ህብረት መግለጽ የጌታን እራት እንደሚካፈል እናምናለን ፡፡
  14. በሙታን ትንሳኤ በኃጢአን ላይ በሚደርሰው የዘላለም ፍርድ አማኞች በሚቀበሉት የዘላለም ሕይወት እናምናለን ፡፡ 

Quick Contact!

  • TEL +251-46 220 5433
  • TEL  +251-46 220 5563
  • MOB: +251-902-50-44-44
  • Emai: This email address is being protected from spambots. You need JavaScript enabled to view it.hfgbc.org
  • WEB: www.hawassafullgospelch.org
  • Address: Hawassa, Ethiopia

Weekly Programs

Program will be listed here

Newsletter

Stay up To date with our newsletter.